Hæstiréttur í Chile hefur skipað stjórnvöldum þar í landi að koma á nýjum mengunarvarnarreglum innan tveggja mánaða. Tilefni dómsins er að stjórnvöld heimiluðu laxeldisfyrirtækjum að losa níu þúsund tonn af dauðum eldislaxi í sjóinn af „neyðarástæðum“ árið 2016. Í hæstaréttardómnum kemur fram að sú ákvörðun var ólögleg.
Í þessu samhengi er tilefni til að rifja upp að íslenskt laxeldisfyrirtæki hefur viðurkennt að hafa sleppt 160 þúsund laxaseiðum af norskum stofni í sjó við Gileyri á Tálknafirði árið 2002 í kjölfar gjaldþrots. Þessi tvö dæmi sýna okkur að menn leyfa sér ýmislegt við erfiðar aðstæður þrátt fyrir fyrri heitstrengingar um að standa vel að verki.