Enn heldur áfram að síga á ógæfuhliðina hjá sjókvíaeldisfyrirtækinu Kaldvík. Fyrirtækið hefur gefið út að veruleg hætta sé á því að það nái ekki að uppfylla lánakvaðir í samningum við lánadrottna á fyrsta fjórðungi eða síðar á árinu 2026.
Sama stað var hjá Kaldvík í fyrravor og þurfti því fyrtækið að ráðast í hlutafjáraukningu sem endaði í að hluthafar lögðu 6,6 milljarða króna til viðbótar í félagið. Það hefur ekki dugað enda gríðarlegur taprekstur á síðasta ári.
Kaldvík hefur látið um það bil einn af hverjum tveimur eldislöxum drepast hjá sér í sjókvíunum undanfarin tvö ár.
Matvælastofnun sektaði fyrirtækið fyrir brot á dýravelferðarlöggjöfinni í fyrra og vísað enn alvarlegra máli til lögreglu. Er sú rannsókn enn í gangi.
Viðskiptablaðið fjallar um afkomuviðvörun Kaldvíkur:
Hlutabréfaverð Kaldvíkur hefur lækkað um 7% í norsku kauphöllinni í dag eftir að laxeldisfyrirtækið sendi frá sér neikvæða afkomuviðvörun á föstudaginn.
…
Það tengist meðal annars snemmbærri slátrun og verðlækkunum á mörkuðum. Vegna þessa kunni að vera veruleg hætta á því að fyrirtækið nái ekki að uppfylla allar lánakvaðir í samningum við lánadrottna á fyrsta fjórðungi eða síðar á árinu 2026.
Kaldvík segist hafa hafið viðræður við lánsveitendur um tilslökun á lánsskilmálum.
Kaldvík lauk við ríflega 40 milljarða króna endurfjármögnun síðasta sumar. Hún fól í sér 33 milljarða króna lánsfjármögnun til 4 ára og 6,6 milljarða króna hlutafjáraukningu.