Staða baráttunnar gegn laxeldi í opnum sjókvíum er ótrúlega sterk. Viðhorf fólks er stöðugt heilt yfir og hlutfallstölur hreyfast lítið milli ára: 64,1% þjóðarinnar er á móti þessari skaðlegu starfsemi, aðeins 13,5% styðja hana.
Andstaðan við sjókvíaeldi er afgerandi
– í öllum aldurs- og tekjuhópum
– meðal karla og kvenna
– í öllum kjördæmum
Andstaðan er yfir 60% meðal stuðningsfólks allra flokka nema Sjálfstæðisflokks, þar sem hlutfallið er jafnt, og Framsóknarflokksins en þar er þó andstaðan afgerandi meiri en stuðningurinn:
Ríkisstjórnarflokkarnir hafa rúmt umboð frá stuðningsfólki til að setja löggjöf sem kemur í veg fyrir að íslensk náttúra og lífríki skaðist meira en nú þegar hefur gerst af völdum sjókíaeldisfyrirtækjanna.
Svona er afstaðan eftiir flokkslínum:
Samfylkingin
- 80% neikvæð
- 5% jákvæð
- 15% hvorki né
Viðreisn
- 70% neikvæð
- 5% jákvæð
- 25% hvorki né
Flokkur fólksins
- 70% neikvæð
- 14% jákvæð
- 26% hvorki né
Miðflokkurinn
- 63% neikvæð
- 29% jákvæð
- 8% hvorki né
Framsóknarflokkurinn
- 40% neikvæð
- 28% jákvæð
- 31% hvorki né
Sjálfstæðisflokkurinn
- 35% neikvæð
- 35% jákvæð
- 30% hvorki né
Aðrir flokkar
- 78% neikvæð
- 0% jákvæð
- 22% hvorki né
Sértstaka athygli vekur mikil andstaða á Norðausturlandi. Þar er nú þegar umfagsmikið sjókvíaeldi á Austfjörðum. Því til viðbótar hefur fyrirtækið Kleifar sótt hart að koma sjókvíum í Eyjafjörð, en yfirgnæfandi hlutfall íbúa á svæðinu hefur augsýnilega engan áhuga á að það verði að veruleika.
- 68% neikvæð
- 10% jákvæð
- 22% hvorki né
Fjallað er um könnunina á Vísi.is og rætt við Jón Kaldal:
„Það er ánægjulegt að sjá hversu fast mótaðar skoðanir þjóðin hefur myndað sér á sjókvíaeldi í opnum netapokum. Þjóðin áttar sig mjög vel á því hversu skaðleg starfsemi þetta er fyrir lífríkið, umhverfið og eldisdýrin sjálf. Það er mjög ánægjulegt. Við erum komin miklu lengra Íslendingar almennt en aðrar þjóðir í vitundarvakningu um hversu skaðlegur þessi iðnaður er,“ segir Jón Kaldal, talsmaður Íslenska náttúruverndarsjóðsins.
…
„Það er ákaflega afgerandi þar og væntanlega vegna hugmynda sem hafa verið kynntar í vor um að koma sjókvíaeldi niður í Eyjafjörð, sem fólk er mjög ósammála.“ …
„Þetta er mjög sterkt ákall frá kjósendum allra flokka myndi ég segja því það er meira en sextíu prósent andstaða í öllum flokkum nema í Framsóknarflokki og Sjálfstæðisflokki. Samt eru fleiri neikvæðir í Framsóknarflokknum en jákvæðir gagnvart þessum iðnaði,“ segir Jón.
„Ríkisstjórnin hefur greinilega mjög breiðan og djúpan stuðning við það að koma skikki á þennan iðnað.“