Álit norsku þjóðarinnar á sjókvíaeldisiðnaðinum hefur aldrei mælst lægra en í könnun sem birt var í síðustu viku. Orðspor sjókvíaeldisfyrirtækjanna fékk 29 stig af 100 mögulegum í könnun sem gerð var fyrir hagsmunasamtök fyrirtækja í sjávarútvegi.
Er það hraustleg lækkun frá 40 stigum sem hefur verið nokkuð stöðug einkunn norsku fyrirtækjanna undanfarin ár.
Ömurleg meðferð og skeytingarleysi fyrir velferð eldislaxanna vegur þyngst í þessi hruni almenningsálitsins í Noregi.
Það merkilega er að ekkert hefur breyst í starfsháttum sjókvíaeldisfyrirtækjanna. Þau hafa alltaf farið hræðilega með eldislaxana.
Það sem hefur breyst er að fréttir af þessu miskunnarleysi hafa loksins byrjað að birtast í norskum fjölmiðlum.
Hér á Íslandi er þjóðin fyrir löngu orðin meðvituð um að sjókvíaeldisfyrirtækin ganga af algjöru virðingarleysi um náttúru og lífríki Íslands og fara hræðilega með eldislaxana.
65,4% Íslendinga eru andsnúnir þessum iðnaði, aðeins 13,9% styðja hann, restin tekur ekki afstöðu.
Þetta er frábær vitnisburður um hversu vel þjóðin er upplýst og áhuga hennar á að gæta að náttúrunni og auðvitað líka að vel sé farið með dýr í matvælaframleiðslu.
Í umfjöllun Intrafish (áskriftar krafist)