Kaldvík er fyrirtæki sem hefur eyðandi áhrif á umhverfið, lífríkið og fjármuni.
Viðskiptablaðið fjallar um verðhrun hlutabréfa Kaldvíkur eftir tilkynningar félagsins um taprekstur og yfirlýsingar um að það treysti sér ekki til að standa við ákvæði lánasamninga.
Hlutabréf laxeldisfélagsins Kaldvíkur hafa lækkað verulega á First North-vaxtarmarkaðinum á Íslandi í dag. Hlutabréfaverð félagsins er komið niður í 63 krónur á hlut, sem jafngildir um 28% lækkun á einum degi.
…
Á sama tíma lækkaði hlutabréfaverðið einnig í Noregi á Euronext Growth í Osló, þar sem síðasta viðskiptaverð var um 4,56 norskar krónur, sem jafngildir um 10% lækkun frá síðasta dagslokagengi.
…
Kjarni viðbragðanna virðist þó tengjast kauphallartilkynningu félagsins frá því á miðvikudag, þar sem félagið staðfestir að það hafi óskað eftir undanþágu frá ákveðnum skilmálum lánasamninga og að niðurstöðu sé vænst innan fyrsta ársfjórðungs.
Þegar félag fer formlega í slíkt ferli lesa fjárfestar það gjarnan sem merki um aukna fjárhagslega spennu, jafnvel þó að viðræðurnar gangi „samkvæmt áætlun“.
Slík undanþága er í grunninn beiðni til lánveitenda um að slaka tímabundið á lánakvöðum eða breyta mælikvörðum, svo félagið teljist ekki brjóta samninga ef rekstrartölur eða lykilhlutföll þróast verr en gert var ráð fyrir.