Þessi eldislax veiddist í Hnausastreng í Vatnsdalsá síðdegis í dag.
Fyrir þau sem eru ekki staðkunnug þá rennur Vatnsdalsá til sjávar í Húnaflóa á Norðvesturlandi, hinum megin við Vestfjarðarkjálkann frá Haukadalsá við Breiðafjörð á Vesturlandi þar sem eldislaxarnir uppgötvuðust fyrst í síðustu viku.
Þetta minnir óþægilega mikið á hamfarirnar 2023. Þá gengu eldislaxar sem Arctic Fish lét sleppa frá sér úr sjókví á suðurfjörðum Vestfjarða fyrst í Haukadalsá áður en meirihluti þeirra æddi upp ár á Norðvesturlandi.
