Ályktun Veiðifélags Viðidalsár: Skorað á Alþingi að fella niður sérlög sem hygla sjókvíaeldisiðnaðinum

Bænd­ur í Víðidal og eig­end­ur lög­býla segja það ótækt að þurfa að standa í mála­ferl­um við norska iðnrisa sem skráðir eru í kaup­höll í Osló til að verja til­veru sína og nátt­úru­auðlind sem nýtt hef­ur verið með sjálf­bær­um hætti kyn­slóðum sam­an.

Þetta kemur fram í ályktun sem stjórn Veiðifélags Víðidalsár sendi frá sér eftir stjórnarfund í gærkvöldi. Í ályktuninni er jafnfram gjörvallt Alþingi hvatt til dáða og þessi krafist að felld verði niður „sér­lög sem veita sjókvía­eld­is­fyr­ir­tækj­un­um und­anþágu frá lög­um um varn­ir gegn meng­un hafs og stranda og setja lög um sjókvía­eldi þar sem nátt­úra og líf­ríki lands­ins er í önd­vegi.“

Við stöndum heilshugar undir þessi orð og stöndum með fólkinu í Víðidal gegn yfirgangi norsku kauphallarfyrirtækjanna.

Sporðakösta Morgunblaðsins fjölluðu um fundinn og birtu ályktunina, sem hljóðar svo:

Veiðifé­lag Víðidals­ár skor­ar á stjórn­völd að tryggja þegar í stað fjár­mögn­un aðgerða þar sem leitað verður að eld­islaxi og hann fjar­lægður úr Víðidalsá sem og öll­um öðrum ám þar sem villti ís­lenski lax­inn hef­ur átt óðul sín í um tíu þúsund ár.

Þegar hafa verið fjar­lægðir að minnsta kosti fimm staðfest­ir eld­islax­ar úr Hauka­dalsá og enn er bara ág­úst. Meg­in göngu­tími eld­islaxa sem sloppið hafa úr sjókví­um er í sept­em­ber og októ­ber. Í stóru slepp­ingu Arctic Fish haustið 2023 náðust alls sex eld­islax­ar úr Hauka­dalsá. Þetta er vís­bend­ing um að mögu­lega eigi eft­ir mik­ill fjöldi eld­islaxa að hell­ast í ár lands­ins á kom­andi vik­um.

Ekki dug­ar að bíða og vona að svo verði ekki. Stjórn­völd verða að tryggja að teymi sér­fræðinga verði á land­inu strax í byrj­un sept­em­ber við leit í ám.

Stjórn­völd verða líka að tryggja fjár­mögn­un aðkomu og útlagðan kostnað veiðifé­laga vegna hreins­un­ar­starfs í ánum. Er sú krafa sett fram í ljósi þess að Arctic Fish hef­ur staðfast­lega neitað að greiða kostnað veiðifé­laga við að fjar­lægja eld­islaxa fyr­ir­tæk­is­ins úr ám lands­ins haustið 2023. Verður því máli stefnt fyr­ir dóm­stóla í haust til inn­heimtu kostnaðar­ins.

Ótækt er að kom­in sé upp sú staða að ís­lensk­ir bænd­ur og eig­end­ur lög­býla þurfi að standa í mála­ferl­um við fyr­ir­tæki skráð í kaup­höll­inni í Osló í meiri­hluta­eigu norskra iðnrisa til að verja til­veru sína og nátt­úru­auðlind sem hef­ur verið nýtt með sjálf­bær­um hætti kyn­slóðum sam­an.

Veiðifé­lag Víðidals­ár skor­ar á gjörv­allt Alþingi að fella niður sér­lög sem veita sjókvía­eld­is­fyr­ir­tækj­un­um und­anþágu frá lög­um um varn­ir gegn meng­un hafs og stranda og setja lög um sjókvía­eldi þar sem nátt­úra og líf­ríki lands­ins er í önd­vegi.