Atvinnusköpun á Tenerife.
Hugsið ykkur hvernig þetta fyrirtæki stendur að verki. Við erum orðlaus.
Og starfsbróðir Tenerife stöðvarstjóra Arctic Fish skráir sig til heimilis í Alta í Noregi. Kristján R. Kristjánsson er stjórnandi hjá fyrirtækinu og hefur tekið þátt í umræðum hér í athugasemdakerfinu á þessari síðu okkar.
Skv. umfjöllun Heimildarinnar:
Ísak Óskarsson, stöðvarstjóri laxeldisfyrirtækisins Arctic Fish á Patreksfirði, hefur verið búsettur á eyjunni Tenerife á meðan hann hefur verið yfirmaður hjá fyrirtækinu. Þetta herma heimildir blaðsins en starfsmenn hjá Arctic Fish hafa meðal annars verið í símasambandi við Ísak til Tene þaðan sem hann hefur sinnt störfum sínum á milli landa.
Eitt af því sem stöðvarstjórar í laxeldi gera er að hafa yfirumsjón með rekstri viðkomandi eldisstöðvar. Hluti starfsins gengur út á að fylgjast með sjókvíunum og hvort það sé í lagi með þær og segir í svari frá Matvælastofnun til Heimildarinnar að um sé að ræða daglegt og stöðugt eftirlit.
Ein stærsta og alvarlegasta slysaslepping Íslandssögunnar átti sér stað hjá Arctic Fish á Patreksfirði í sumar þegar gat kom á sjókví fyrirtækisins með þeim afleiðingum að 3.500 eldislaxar að minnsta kosti sluppu úr kvínni.
Hér er starfsbróðir Ísaks, Kristján R. Kristjánsson, sem hefur verði mjög virkur hér á síðunni. Þau athugasemdaskrif koma frá Noregi samkvæmt Facebook síðu Kristjáns:
