Afgerandi meirihluti landsmanna andvígur sjókvíaeldi

Þetta er eins afgerandi og það getur orðið, 59 prósent eru andvíg sjókvíaeldi en aðeins 19 prósent hlynnt.

Andstaðan við þessa óboðlegu aðferð við matvælaframleiðslu er klár í öllum aldurshópum, á höfuðborgarsvæðinu og landsbyggðinni og meðal kjósenda allra flokka.

Þetta eru skýr skilaboð til fólksins sem fer með löggjafarvaldið á Alþingi. Við treystum á að þau sem þar sitja séu að hlusta.

Skv. frétt Morgunblaðsins:

Fram kem­ur að svar­end­ur sem segj­ast kjós­end­ur Pírata eru and­víg­ast­ir sjókvía­eldi og sögðust 84% þeirra vera mót­falln­ir slík­um rekstri en aðeins 4% hlynnt­ir. Þá eru kjós­end­ur Miðflokks hlynnt­ast­ir sjókvía­eldi eða 40% þeirra, en 41% þessa hóps segj­ast and­víg­ir. …

Fólk á lands­byggðinni er lík­legra til að líta sjókvía­eldi já­kvæðum aug­um en íbú­ar höfuðborg­ar­svæðis­ins. Sögðust 26% svar­enda á lands­byggðinni hlynnt­ir sjókvía­eldi en 47% and­víg­ir. Á höfuðborg­ar­svæðinu eru aðeins 16% svar­enda hlynnt­ir en 65% and­víg­ir.

Ein­stak­ling­ar á aldr­in­um 18 til 24 ára reynd­ust hlynnt­ari sjókvía­eldi en aðrir ald­urs­hóp­ar og ein­stak­ling­ar á bil­inu 55 til 64 ára and­víg­ari en aðrir.

Könn­un­in var fram­kvæmd dag­ana 10. til 24. fe­brú­ar. Um er að ræða net­könn­un meðal könn­un­ar­hóps Pró­sents og var úr­takið tvö þúsund ein­stak­ling­ar 18 ára og eldri. Svar­hlut­fall var 49,5%.