Á sama tíma og sjókvíaeldisfyrirtæki við Ástralíu og Nýja-Sjáland hafa hætt notkun ásætuvarna með koparoxíði vegna mögulegra skaðlegra áhrifa á umhverfið og lífríkið er verið að heimila þær hér við land, þvert á fyrra bann.
„Þessi ákvörðun íslenskra yfirvalda er augljóslega úr takti við það sem frændur okkar Norðmenn eru að gera í mengunarvörnum sínum,“ segir Jón Kaldal, talsmaður Íslenska náttúruverndarsjóðsins í viðtali við Fréttablaðið. Jón bætir við:
„Í umfjöllun norsku Hafrannsóknastofnunarinnar er bent á að ef fyrirtæki með starfsemi á landi verða uppvís að því að losa umfram tvö kíló af kopar í umhverfið á ári er þeim lokað af yfirvöldum, en til samanburðar má nefna að sjókvíaeldið losar um 1.700 kíló á ári í sjó við Noreg samkvæmt úttekt stofnunarinnar.“
Þekking af afleiðingum koparmengunar í sjó er enn af skornum skammti. Meðan aðrar þjóðir fara að gát, ólíkt Íslendingum.